Stoppa i Mobergsbakken - mistenkt for promille

Laurdag formiddag hadde politiet promillekontroll utanfor naboen til lensmannskontoret, Vinmonopolet.

Bilistar som kom køyrande og parkerte ved Polet blei sjekka. Politet rakk å kontrollera seks bilistar før dei måtte vidare på noko anna, og alle desse var edrue.

Klokka 12.30 kontrollerte dei ein bilist i Mobergsbakken.

– Bilførar, ein utanlandsk statsborgar på rundt 50 år, er mistenkt for å ha køyrd med promille. Test tatt på staden gav såpass utslag at vi tok beslag i førarkortet på staden, fortel politibetjent Sindre Hallem.

I samband med MC-ulykka på Skeie i 20-tida i går, er førar mistenkt for både køyring utan førarkort og køyring i ruspåverka tilstand.