Stoppa jenter på 13 og 16 år i bil

Laurdag morgon blei Bjørnafjorden lensmanskontor informert om bilbrukstjuveri på Askøy, med beskjed om at dei mistenkte kunne vera på veg til Os, og at minst éin av dei truleg var rusa.

– Vi rykte ut, assistert av hundepatrulje, og stoppa bilen nord for Os sentrum, fortel politioverbetjent Martin Nordeide.

Foreldre blei varsla, og det blir sendt bekymringsmelding til barnevernet.

Det er oppretta sak. Det skal vera uvisst for politiet om begge jentene har køyrd bilen.

Éi av jentene tok utandingsprøve og blei sendt vidare for blodprøvetaking.