Stor fisk og artige artar
Det var mykje rart å få på kroken på Marsteinen i helga. - Dette gjer vi gjerne igjen, seier Tor Åge Thuen.
Bildeserie:
Søndag tok Os jakt- og fiskelag med seg 15 fiskarar og 9 tilskodarar i to båtar til Marsteinenpå havfiske.
Les òg:
Strøken søndag med fiskelaget
– Vi må finna på noko nytt når fisket i elvene blir så redusert, seier Tor Åge Thuen frå Os jakt- og fiskelag.
I november i fjor arrangerte fiskelaget kurs i havfiske. Då var det 34 påmeldt.
– Dei to skøytene som frakta oss til Marsteinen blei tidleg fylt med fiskarar, så vi trengte ikkje å annonsera turen, seier Thuen.
Tidleg avreise i flott vårvêr
Turen gjekk frå Vedholmen Landhandel med oppmøte i 6.30-tida søndag morgon. Klokka 9 gjekk dei første krokane i sjøen utanfor Marsteinen.
– Vi fekk 6 timar med fiske. 8-9 fiskar per båt var litt mindre fangst enn venta, men i så fint vêr blei det uansett ein flott tur.
Spennande artar
Dei to største fiskane var ein torsk på 8 kilo og ei lange på 7 kilo. Men det blei også tatt ein del brosmer og nokre litt spesielle artar.
– Anders Løvik fekk ein svarthå og eg fekk ein blåkjeft, fortel Truls Marceliussen, som med fire fiskar var den som fekk flest om bord.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.