Stor utrykking til sakna gut

Torsdag i 14-tida var tre politibilar frå Bergen på veg til Os med blålys.

– Årsaka var at vi fekk melding om ein sakna gut, opplyser politioverbetjent Thomas Juulseth.

– Vi ville setja inn fleire styrker så tidleg som mogleg.

Men før politiet rakk å setja inn noko omfattande søk, dukka guten opp igjen. Han var sakna frå ein institusjon, men blei funnen etter rundt 30 minutt.

Politiet har elles hatt nokre rolege døgn inn mot helga.

– Onsdag var det tillaup til brann i ein lampe i ein butikk. Ingen hadde pusta inn røyk. Lampen var i entreen, og blei raskt tatt ut av butikken. Brannvesenet var på staden, og ein elektrisk feil i lampen skal vera årsak.