Store nedbørsmengder og stiv kuling
Det er sendt ut skred- og flaumvarsel for Hordaland. Det kan koma langt over 100 mm nedbør dei neste to døgna.
Folk blir oppfordra om å reinsa avlaup og elles førebu seg på to veldig våte døgn.
Det regnar lett i Os torsdag, men dette er venta å auka utover ettermiddag og kvelden, og fredag kan det bli endå meir fuktig.
"Varsel om flom, gult nivå for Vest-Agder, Rogaland og Hordaland, 7. mars 2014. Torsdag og fredag vil det komme store nedbørsmengder over varslingsområdet" skriv nve.no.
Meir nedbør og meir vind
Ifølgje Storm vs Yr er det venta 40 til 60 mm nedbør fredag.
– Det blir mellom 40-60 millimeter nedbør i dag, og mellom 80 og 120 i morgon, seier vakthavende meteorolog Aslaug Skålevik Valved til NRK.
Det er meldt frå frisk bris til stiv kuling i dag, men det bles førebels ikkje så kraftig i Os. Fredag er det venta minst like mykje vind, og vinden har retning nord.
Vurderer å stenga Søvikåsen
Når det kjem mykje nedbør er det stor rasfare i Søvikåsen.
Les òg: Stor stein stenger veg
Kommunen har installert bom i to endar av Ole Bulls veg, som går over Søvikåsen.
– Vi ventar med å stenga vegen, men tar fortløpande vurdering og kan stenga den på kort varsel, seier teknisk vakt i Os kommune.