Sport | 09. mai 2010

Storfangst frå moloen!

Frå moloen på Os, med ei barnefiskestang, tok danske Jacob eit beist av ein torsk.

Storfangst frå moloen!
Kjetil Vasby Bruarøy
Kjetil Vasby Bruarøysøndag 09. mai 2010 09:05

Jacob Moesgård Rottink (11) var i konfirmasjon i Os førre helg. Han blei igjen i bygda nokre dagar, og onsdag var han på ein svært vellukka fisketur på Os.

- Dei reiste inn til moloen på Haugsneset-sida for å fiska berggylt og anna småfisk. Utstyret var deretter, ei barnefiskestang med enkel krog egna med reke, fortel onkel og osing Peter Moesgård.

Tålte 4 kg
Jacob var å fiska pappaenn sin og fetteren Simen Moesgård. Simen, som har fiska ein del laks med pappa Peter, var god å ha då beistet beit på.

- Simen veit at det gjeld å vera varsam når fangsten er stor. Gøttet dei fiska med tålte i utgangspunktet 4 kg, og torsken, som sløgd vog 13,1 kilo, var kanskje 16-17 kilo då den levde, fortel Peter.

Misunneleg
Etter rundt 40 minutt låg fangsten i fjøresteinane og Simen kunne hjelpa fetter Jacob med å ta den i hovudet og få den på land.

- Eg trur Jacob sin førre rekord var ein fisk på under eit kilo. No får eg håpa han koser seg lenge med denne nye rekorden, for eg tar han ikkje med på fisketur neste gong han kjem til Os, spøker den misunnelege onkelen Peter.

Peter er også ein ivrig fiskar, men har ikkje verken vore med, eller høyrt om, liknande fangst frå moloen på Os.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.