Storfin vitjing på Drange
Det var storfin vitjing på Drange onsdag kveld då Le Grand Bleu vitja Lysefjorden.
Bildeserie:
Kva han gjorde der, anna enn at mannskapa fiska veit vi ikkje.
Kanskje var eigaren på jakt etter lokale fotballspelarar (Lysefjorden hadde trening på same tida..).
Kanskje var det den vakre skjærgarden utanfor Os som lokka.
Veit du kva han gjorde der - send eit tips til andris@midtsiden.no.
Ein tipsar fortel at Le Grand Bleu vitja våre farvann allereie i 2001 då ho kom til Bergen for vinteropplag. Ho lå i Bergen i fem månader før ho satte bauen mot sydligare strøk.
Dette er Le Grand Bleu (Den store blå)
Le Grand Bleu er ein av verdas største private yachter på 370 fot (114 meter). Skipet blei bygd ved Bremen Vulkan veft i Tyskland.
Le Grand Bleu blei sjøsatt i 2000 og er designa av Stefano Pastrovich og bygd av Kusch Yachts.
Fotballskip?
Ho var først eigd av John McCaw Jr, ein amerikansk forretningsmann som solgte skipet til den ikkje heilt ukjende Roman Abramovich i 2002. Han måtte sjølvsagt gjere eigne tilpasningar ved HDW i Kiel. Mellomanna ei innvendig opprusting og den bakre platformen på 16 fot.
Roman Abramovich eig mellomanna Chelsea Fotballklubb i England gjennom Millhouse LCC og er den fjerde rikeste mann i Russland og blant dei 50 rikaste i Verda.
I juni 2006 gav han ho vekk til Eugene Shvidler som eig skipet i dag.
Shvidler er ein forretningsmann innen olje og mellomanna styreformann i Abramovich sitt selskap Millhouse LLC.
Le Grand Bleu har to 3 600 hestekreftars Wärtsilä-motorar.
Interiøret er hemmeleghaldt, men ein veit at det blei designa av Terene Disdale.
Kjelde: Wikipedia.