Strålande for dei yngste

Bildeserie:

1 av 10

I fjor starta Søfteland Rock N LoL med familiefestival som innslag på dagtid, og dette er meir enn ein samling av naboungar.

Rundt 300-400 små og store samla seg til gratis ORBO-konsert og show med luftgitar.

SJÅ VIDEO NEDST I ARTIKKELEN

– Det var bra i fjor, men det ser ut til å vera endå fleire folk her i år, seier festivalsjef Andreas Lindborg.

Sal av vaflar, kaffi, lodd og rockeeffektar fekk følgje av 7-8 låtar av ORBO & The Longshots, som stilte opp på same scene som dei fredag spelte for vaksne på.

Så var det tid for luftgitar. Isak Sælen og Martin Råksvåg, som vann luftgitarkonkurrasen på AMFI Os for nokre veker sidan, viste korleis det kunne gjerast. Back in Black med AC7DC pumpa ut av høgtalarane og Isak og Martin både spelte og hinka i kjent AC/DC-stil.

Etterpå fekk alle som ville koma på scenen og spela for svampkasting sto for tur. Våt svamp i ansiktet var truleg ein passeleg start på laurdagen for den travle festivalsjefen.

Midtsiden samleside: Søfteland Rock N LoL