Strålande vêrmeldingar for 17. mai!

Starten på mai overraska med snø (!), og temperaturane har halde seg under 10 gradar første del av den elles ofte milde månaden.

Men i dag strekk langtidsvarselet på VG Pent, som viser Yr og Storm side om side, seg heilt fram til fredag 17. mai.

Og det er ei vêrmelding som varmar.

Vêret skal letta fredag kveld, helga skal bli solrik, men med 6-7 m/s vind og temperatur på berre 10 gradar.

Sol og 17 gradar 16. mai

Frå tysdag skal temperaturen opp.

Russ, fotballsupportarar og andre som truleg vil vera utandørs på kveldstid utover i veka kan gle seg over 15-17 varmegradar og lettskya eller skyfri himmel onsdag 15. og torsdag 16. mai.

Også på grunnlovsdagen er det venta sol. Førebels er det meldt 13-14 gradar og lettskya.

Sjå detaljert og oppdatert vêrmelding for Osøyro på Pent.no