Stupte i elva

Bildeserie:

1 av 1

Måndag i 11.30-tida ramla ein mann i 30-åra i Baronselva. Uhellet skjedde på anleggsområdet på Telthusplassen, men var ikkje eit arbeidsuhell.

- Han var innom for å snakka med dei som jobbar der. Han sto på kanten av trappa då han brått ramla, dunka hovudet i nederste trappetrinn og blei liggande i elva, fortel ein annan som var på plassen då uhellet skjedde.

Det var ingen maskiner i drift då mannen ramla.

Blødde frå hovudet
Dei to som var vitne til ulykka fekk hovudet hans opp av vatnet i den grunne Baronselva, men turde ikkje å flytta på han.

- Han vakna etter fem minutt, men kunne hugsa kva som hadde skjedd eller samtalane vi hadde hatt før han ramla. Han var ganske omtåka.

Brannvesenet først på staden
Ambulansen var opptatt, så Os brannvesen var first responder.

- Då vi kom fram var han vaken, men framleis i elva. Vi fekk han opp og gav han oksygen. Lokal legevakt kom til, medan vi venta på luftambulansen, fortel brannsjef Stein Gjøsund.

Blod frå eit øyre var einaste synlege skade. Pasienten blei frakta til sjukehus med helikopter.