Stygg køyring og festbråk

Politiet fekk tysdag melding frå Vallaheiene om fleire motorsyklar og ein ATV som dreiv med stygge forbikøyringar og uvettig køyring på E-39.

- Vi rykka ut for å sjå om dei kom til Os, men traff ikkje på dei, fortel politioverbetjent Terje Sperrevik.

Også i Os sentrum skal ein bilførar ha drive med tussakøyring.

- Det var ein Toyota som hadde fleire farlege forbikøyringar ifølgje meldingane.

Heller ikkje denne fekk patrulja fatt i.

Festbråk og bosskasting

På kveldssida måtte patruljen ta ein tur i Mobergshaugen kor ein fest hadde utagert.

- Deltakarane hadde kasta noko boss rundt seg og støye eindel.

- Då patrulja ba dei rydda opp og roa seg etterkom dei ordren, fortel politioverbetjenten.

Null promille

I Hegglandsdalen tok politiet ein promillekontroll og kontroll av førarkort.

- Der blei 14 kontrollerte uten reaksjonar.

- Det var det heller ikkje grunn til å koma med i høve til bilføraren vi på formiddagen fekk melding om moglegen køyrde med promille.

- Det viste seg at alt var i orden, avsluttar Sperrevik.