Suveren i siste heimekamp

Søndag spelte damelaget til Os sesongens siste heimekamp.

Os gjekk opp i 5-0 før gjestane, Stord 2, skåra, og vann heile 7-1.

To 15-åringar, Guro og Tonje frå jentelaget, skåra 5 av måla.

Os - Stord 2 7-1 (2-0)
Målskårarar, Os: Guro Drange Veglo 3, Tonje Stamnes Lindbom 2, Kristine Moberg og Lillian Korneliussen. 

– Vi kunne spelt betre, men sidan det sto litt på spel så blei vi litt oppjaga, meiner trenar Cato Moldskred.

– Dei blei litt daffe ei stund, så i pausen la eg om til 3-4-3, for å gje dei litt å bryna seg på.

Nesten sikra kvalifiseringsplass

Éin kamp står igjen før sesongen er over, den går borte mot botnlaget Bjørgum søndag.

Os må vinna kampen for å vera heilt trygge på 2. plass og kvalifisering om opprykk, for Bønes har heile fem kampar igjen og kan i teorien gå forbi Os.

Men då må dei blant anna slå ubesigra Sund på Sund sin heimebane.

SJÅ TABELL