Sverre med sin første verdscupsiger!

Førre helg starta verdenscupen i Japan kor ein skuffa Sverre Lunde Pedersen berre hadde 1000-meteren å vera nøgd med nøgd med. Denne helga har skøyteløparane flytta seg til Seoul i Sør-Korea.

Fredag morgon (norsk tid) gjekk verdsstjernene med Sverre Lunde Pedersen i spissen 1500 meter.

Sverre gjekk i sjette par mot nederlandske Thomas Krol.

Parkamerat Krol kom kjappast ut av dei to og låg halvsekundet framfor Sverre etter dei første 500 meterane. Utover i løpet tok Sverre sakte, men sikkert inn på parkameraten og ved siste runding var han ett trettidels sekund bak.

Krol sprakk, Sverre sparka skikkeleg frå og vann paret med tida 1.47.76, eitt sekund og trettisju hundredel framfor Krol.

– Dette er slik vi kjenner Sverre frå det beste i fjorårssesongen, kommenterte NRK sin ekspertkommentator Even Wetten då Sverre tok att Krol på vekslingssida.

Sverre gjekk inn til ein klar ny banerekord i Seoul.

Bak starta sterke løparar som Sven Karmer, Shani Davis og Denny Morrison.

At det skulle halda til siger visste ikkje Sverre før siste par med dei to nederlenderane Kjeld Nuis og Wouter olde Heuvel.

Dei to starta tøft med Nuis foran Lunde Pedersen sine rundetider, men ingen av dei klarte å stå i mot Sverre sin sluttspurt og klokka inn på 1.48.02 (Heuvel) og 1.48.30 (Nuis), noko som heldt til pallplass bak Sverre Lunde Pedersen.