Sverre Lunde Pedersen. (Arkivfoto: Douwe Bijlsma)

Sverre nær pallplass på 5000 meter

Ei stor forbetring, men ingen individuell medalje i verdscupopninga.

Av: Kjetil Vasby Bruarøy

Fredag starta verdscupen, og Sverre Lunde Pedersen var med på å ta bronse i lagtempo.

Laurdag blei det 7. plass på 1500 meter med tida 1.46,3, tida var 1,75 bak vinnar Denis Yuskov.

Søndag morgon norsk tid var det 5000 meter i Japan. Sverre Lunde Pedersen gjekk mot italienske Andrea Giovannini i nest siste par.

Sverre låg lenge an til 3. plass, som ville ha halde heilt inn då Bart Swing og Ted Jan Bloemen skuffa i siste par.

Men 30,9 på sisterunden blei for svakt, og med tida 6.19,13 måtte Sverre ta til takke med 5. plass.

Teknikk og toppform

– Dette ser likevel positivt ut med tanke på at han gjekk 6.30 i NM på Hamar, bemerkte NRK-kommentatorane.

Etter NM fortalte Sverre at 5000-meteren ikkje sit heilt enno, etter at han var sjuk tidlegare i haust.

– Han har meir inne. Vi siktar oss inn på toppform i februar, no handlar det om å gå teknisk så bra som mogleg, sa landslagstrenar Bjarne Rykkje etter løpet.

Nederlandske Patrick Roest vann med tida 6.13,01

Fleire saker