Sverre på 2. plass

Sverre Lunde Pedersen viste at formen har halde seg etter OL i Sotsji då han gjekk inn til si beste plassering i verdscupen under 5000 meteren i Inzell fredag ettermiddag.

Med tida 6.19.48 tok Lunde Pedersen leiinga i løpet fram til nederlandske Jorrit Bergsma kom i eit seinare par. Bergsma som vann 10 000 meteren og tok bronse på 5000 meteren under OL slo Lunde Pedersen med 5,4 sekunder.

– Sverre har tidlegare tatt ein 3. plass på 1500-meter i verdscupen, og har også 3. plassar frå lagtempo i verdscupen. Dette er den beste plassering nokonsinne i dette selskapet, seier landslagstrenar Jarle Pedersen til Ba.no

Lunde Pedersen skal gå to løp til i tyske Inzell. Først 1000 meter i morgon laurdag før han på sundag går 1500 meter.