Svevde inn til siger

Bildeserie:

1 av 6

Os tok ein etterlengta siger på heimebane over NHHI sundag ettermiddag. Etter å ha tatt leiinga blei det 3-3, 5-8 og 10-12, men Os klarte 12-13 til pause etter to flotte kontringar av ungjenta Astrid Nybø.

- Vi var god i periodar, men ikkje heilt på topp i dag, meiner trenar Kenneth Husebø.

I 2. omgang auka gjestane leiinga medan Os brente to straffar. Stillinga var 13-15 og 15-17, men så kom Os opp i 17-17 før NHHI overtok til 17-18 og 18-19.

Men to gode kontringar av Maria Stangeland Lunde, den eine med ei finte som verkeleg sat, var Os oppe i 21-20. Mona Stigen auka til 22-20, men blei så utvist.

På 22-22, berre 28 sekund før slutt, tok Os timeout.

- Vi la ein plan om å dra forsvaret deira over på ei side og la Hilde Kristine Røttingen stå igjen på den andre. Hilde Kristine er fintesterk, og då dei andre lukkast med sitt kunne ho koma seg rundt og sikra siger med eit knallskot frå spiss vinkel.

Kampfakta: Os - NHHI: 23-22 (12-13)
Os sitt lag: Vibeke Ingebrigsten, Anne-Lene Tysseland, Madeleine Hjertnes (3), Tonje Hjertnes (1), Maria Stangeland Lunde (4), Hilde Kristine Røttingen (3), Astrid Nybø (2), Ingvill Hefte (5), Mona B. Stigen (3), Elise Hjelle, Trine Balland (1), Malin Hjelle Berentsen.

Utvisningar: NHHI: 2x2min., Os: 5x2min.

SJÅ TABELL

I videoen under kan du sjå angrepet som sikra siger til Os.