Lokal | 02. okt. 2017
– Svingte unna ein katt
Politi og ambulanse rykte ut til bilulykke på Ulvensletta søndag kveld.
Kjetil Vasby Bruarøymåndag 02. okt. 2017 07:33
Søndag klokka 21.30 kom det melding om trafikkulykke på Ulvensletta.
Politi og ambulanse rykte ut til staden.
– Ein bil hadde køyrd i autovernet nær Os Aeroklubb. Førar hadde smerter i ei skulder, men var elles uskadd, fortel politioverbetjent Audun Hadler-Olsen.
Bilførar skal ha forklart at han hamna i autovernet då han svingte unna ein katt som kryssa vegen. Det er ikkje mistanke om promille.
Kontroll i Mobergsbakken
På morgonen søndag, i 6.30-tida, blei ein hjort påkøyrd på E39.
Søndag formiddag hadde politiet promillekontroll i Mobergsbakken i ein time. Alle dei kontrollerte bilførarane var edrue.