Sylta fekk også fisk

I natt opna fiske i Oselvo, og den første fangsmeldinga vi fekk var Tor Åge Thuen med to laks tatt i Kremretten, den første på 6,5 kilo klokka 02.10, den andre på 5,5 kilo klokka 05.30.

Spørsmålet var om dette var sesongens første fangst, svaret fekk vi på tekstmelding frå fiskar Leif Juvik etter ei kort stund.

– Eg har fått melding frå Henrik H. Sylta, som tok ein laks klokka 02.08 i natt, fortel Juvik.

Laksen vog 4,5 kilo og blei som Thuen sine tatt i Kremretten.

Om det var få fiskarar nedst i elva var det mange som prøvde seg i Kremretten, altså over sone 5.

– Eg var oppe og hadde plan om ta nokre kast med spinner, men det var så mykje folk at eg lét det vera.

Vi har førebels ikkje fått stadfesta om Sylta sin laks er første av medlem, altså årets Oskar.