– Ta registreringsnummeret og meld ifrå til oss!

Politioverbetjent ved Os Lensmannskontor, Anne Lyssand, fortel at litt over klokka halv tre i går ettermiddag ringde ein fortvila person til politet og melde om stygg køyring og høg fart på Hegglandsdalsvegen.

– Personen var ekstra uroa over at denne adferda gjekk føre seg i same tida som skulen slutta av dagen. Vi rykte ut, men fann ikkje noko å reagera på.

– Meld ifrå!

Lyssand fortel at politiet er klar over utfordringane langsmed Fv. 137, og at dei ser alvorleg på slike meldingar.

– Vi vil auka patruljeringa i området, og eg vil oppmoda publikum til å melda ifrå til oss om dei ser noko dei meiner ikkje er god køyring.

– Det beste du kan gjera er å ta registreringsnummeret eller gje oss ei god beskriving av køyretøyet - vi må ta dei på direkten, men med ei god beskriving veit vi kva vi skal sjå etter, seier Lyssand.