Lokal | 28. mai 2012
Takk for no!
Det blir mykje sol også denne veka, men varmen forsvinn nesten like brått som den kom.
Kjetil Vasby Bruarøymåndag 28. mai 2012 08:48
Tidleg, og med full klaff pinsehelga, kom sommaren til Os og Vestlandet.
Men éi veke med temperaturar over 20 gradar var det vi fekk i denne omgang, no skal temperaturen ned cirka 10 gradar.
Storm og Yr er eininge om at det no skal bli kaldare, 16 gradar måndag og 12-14 gradar frå tysdag og ut veka.
Men dei er også einige i at det blir lettskya ut veka til og med laurdag. Tysdag kan det til og med bli skyfritt.
Yr trur det blir opphaldvêr også i denne perioden, Storm melder nokre dråpar nedbør torsdag og fredag. Desse dagane er det også venta litt meir vind, 9-10 m/s.
Søndag og måndag er det venta nedbør ifølgje både Yr og Storm.