Lokal | 08. mai 2009

Takksam forsvarsminister

- Eit flott arrangement og ekstra kjekt med så mange unge, sa forsvarsminister Anne Grethe Strøm-Erichsen om markeringa av frigjeringsdagen i Minneparken i dag.

Takksam forsvarsminister
Kjetil Vasby Bruarøy
Kjetil Vasby Bruarøyfredag 08. mai 2009 13:04

Bildeserie:

1 av 6

Det er 63 år sidan Tyskland kapitulerte, og Noreg igjen blei eit fritt land, etter 5 år med okkupasjon. Forsvarsminister Anne Grethe Strøm-Erichsen var hovudtalar under markeringa av frigjeringsdagen og veterandagen i Os i dag.

- For den generasjonen som opplevde krigen, okkupasjonen og tyranneriet, og som kjenner til dei brutale forholda i for eksempel fangeleiren som var på Ulven - for dei er markeringa av denne dagen noko som er sjølvsagt.

- For yngre nordmenn er det naturleg å takka dei som ofra det kjæraste dei hadde, nemleg livet sitt, i kamp for fridom og fred. Det er også naturleg for oss å læra av dei som opplevde krigen, sa Strøm-Erichsen i si tale i dag.

Os ungdomsskule var på plass med kor og diktlesarar, og to fjerdeklassar frå Kuventræ skule, som hadde vore på besøk på Oselvarverkstaden, fekk med seg markeringa på veg tilbake til skulen. I tillegg tok fleire ungdomar frå speidaren og frå Os & Kuventræ skulekorps del, med musikk og med å legga ned krans på kyrkjegarden.

- Vi må hugsa at vi også i dag har soldatar som kjempar for fred, i konfliktområde langt vekke frå Noreg sine grenser. Meir samarbeid er nøkkelen til fred, og det er vårt ansvar å stilla med soldatar på fredsbevarande operasjonar i utlandet, sa forsvarsministeren.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.