Sport | 03. juni 2009

Tapte etter 3-1-leiing

Os junior elite leia 3-1 til pause, men enda likevel med å tapa for Vadmyra på heimebane tysdag kveld.

Tapte etter 3-1-leiing
Kjetil Vasby Bruarøy
Kjetil Vasby Bruarøyonsdag 03. juni 2009 08:34

Juniorlaget hadde fått med seg fleire frå A-stallen til heimekampen mot Vadmyra. Kampen starta likevel svakt for Os sin del, og gjestane tok leiinga.

- Etter rundt 20 minutt kom det seg, og vi fekk tre fine skåringar, seier assistenttrenar Bjørn Bakke.

Martin Eidsvik, Ramo Racic og Preben Borgen skåra kvar sine mål, og Os leia 3-1 til pause.

- Dessverre starta andre omgang like dårleg som første, det var som om tenninga forsvann, seier trenaren.

Skuffande tap
Vadmyra reduserte på straffe og utlikna etter innlegg frå høgre kant. Så kom ei skåring som både spelarar og publikum protesterte på. Dei meinte det var hands like framfor Os-målet, men dommaren blåste ikkje og Vadmyra tok leiinga. Gjestane vann til slutt 3-4.

- Dette var skuffande, både for oss som såg på og for spelarane. Vi hadde nok flest sjansar, men får for lett brot imot. I periodar var det mykje fint spel, men eg synes det blir litt for mykje på midtbanen og for lite spel framme i boksen, seier Bakke.

- Men det var kjekt å sjå Espen Valvik tilbake i nesten ein heil kamp. Han har kome seg raskt etter kneskaden, og blir med si evne til å koma til sjansar ein god mann framover, spår trenaren.

Desse spelte frå start: Marcus Dalland, Martin Borgen, Stian Dale, Dani Bergstø, Kristoffer Sande, Preben Borgen, Martin Eidsvik, Erik Kanestrøm, Mats Lepsøe, Ramo Racic og Espen Valvik.

Byte: Daniel Vevatne for Racic, Espen Kopperud for Valvik og Vegard Leikvoll Moberg for Borgen.

SJÅ TABELL

Os junior elite spelar neste seriekamp på bortebane mot Varegg tysdag. Laurdag 13. juni er det tid for 3. runde i NM, mot Brann på Kuventræ.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.