Lysekloster gjekk på sesongens første tap då dei i striregnet torsdag spelte borte mot Lyngbø.
Gjestane utlikna to gongar og var nær på å ta leiinga før Lyngbø skåra det avgjerande målet.
– Lars Henrik var åleine med med keeper, litt skrått på mål, og valte å legga inn. Innlegget blei klarert hardt fram til Lyngbø-spelaren som sette inn kampens siste mål, seier Torbjørn Birkelund.
Lyngbø – Lysekloster 3-2 (2-2)
Målskårar, Lysekloster: Simen Birkelund (6. og 39. minutt)
1-0 kom etter berre 2 minutt, Lysekloster utlikna då Simen fyrte av eit langskot som gjekk via ein forsvarsspelar, skifta retning og sette Lyngbø-keeperen ut.
Lyngbø gjekk opp i 2-1 i 36. minutt, men Simen utlikna 3 minutt etterpå då han sklei inn eit innlegg av Skage.
I 2. omgang var det berre vertane som skåra.
– Vi fekk det ikkje til i første omgang. Lyngbø speler med stor entusiasme og på det våte føret, der ballen ofte stoppa heilt opp, fekk vi ikkje til tempoet og pasningsspelet vi ønskjer å spela.
– Men vi løfta oss etter pause og gjorde ein god omgang, seier Birkelund, skuffa etter å ha reist heim med null poeng.
Lysekloster (4-3-3): Chris S. Midtun - Baste Jonassen, Aleksander Andersen, Knut Eriksen Eide, Preben Skorpen - Simen Birkelund, Kim Kleivedalen, Joakim Hjelmeland - Preben Borgen, Lars Henrik Skage og Ramo Racic.
Innbytarar med speletid: Martin Eidsvik (inn for Hjelmeland i pausen) og Øyvind Olsen og Mattias Høiland (inn for Jonassen og Aleksander i 80. minutt).
Frå 1. til 4. plass
Lyngbø overtok med dette tabelltoppen og ligg med 12 poeng 2 poeng framfor både Odda, Sotra og Lysekloster på 2, 3. og 4. plass.
Os kan, om dei vinn når dei speler 5. runde, overta 4. plassen om målforkjellen blir god nok borte mot Fyllingsdalen 2 måndag.