Sport | 09. juni 2018

Tapte sjansefattig toppkamp

Lysekloster hadde sjansen til å gå forbi Sotra.

Tapte sjansefattig toppkamp
Lysekloster gjekk tidleg opp i 0-1-leiing, men klarte ikkje å skapa mykje meir i toppkampen. (Arkivfoto: KVB)
Kjetil Vasby Bruarøy
Kjetil Vasby Bruarøylørdag 09. juni 2018 17:20

Laurdag ettermiddag spelte Lysekloster på 2. plass mot serieleiar Sotra.

Tre poeng skilte laga før kamp, men Sotra hadde éin kamp meir spelt og dei sto likt i målforskjell.

– Eg er ikkje opptatt av tabellen så tidleg på sesongen, men eg er skuffa over resultatet og mest skuffa over prestasjonen, seier Lysekloster-trenar Ruben Hetlevik etter kamp.

Sotra - Lysekloster 2-1 (1-1)
Kampfakta på fotball.no

Lysekloster til leiinga på eit fint angrep fire minutt ut i første omgang, og 0-1 sto seg nesten til pause.

Men Thorvald Trætteberg si nettkjenning på innlegg av Martin Pedersen blei siste Lysekloster-mål i kampen.

– Klarte ikkje å løfta oss

Sotra utlikna i 44. minutt og tok leiinga i 62. minutt.

– Det var ein jamn og tung kamp i varmen, med få sjansar til begge lag og endå fleire avsluttingar på mål.

– Vi hadde ambisjonar om å løfta oss i 2. omgang, men det klart vi dessverre.

Sotra har no 6 poeng meir enn Lysekloster, men med éin kamp meir spelt.

Tabell, 3 div 4

Heimekamp på onsdag

No er Hetlevik glad for at Lysekloster har ny kamp allereie på onsdag, heime mot Sogndal 2.

– Før den tid må vi børsta av oss skuffelsen frå i dag, så vi framstår som eit topplag.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.