Tapte toppkamp

Søndag spelte Os det som kanskje var sesongens seriefinale.

Sund kom på besøk med ein målforskjell på 33-2 etter 5 sigrar på 5 kampar mot eit Os som hadde 4 sigrar og 1 uavgjort før toppoppgjeret.

– Sund er det beste laget vi har spelt mot på fleire år, dette er minst 3. divisjonsnivå, seier trenar Cato Moldskred.

Kampen enda 0-3 etter at gjestane leia 0-1 til pause.

0-2-skåringa førte til ein del protestar, då keeper og fleire Os-spelarar blei skubba inn i mål før skåringa, som blei godkjent.

– Vi klarte oss ganske bra og gav aldri opp. Då vi jaga skåring på slutten opna det seg litt opp og Sund fekk 3-0-målet på slutten av kampen.

Moldskred tviler på at Os har håp om å vinna avdelinga, men klarer dei andreplassen får dei spela kvalifisering om opprykk til 3. divisjon.