Tar imot VM-helten på Flesland

Sverre Lunde Pedersen kjem i kveld heim med VM-gull og to sølvmedaljar (lagtempo og 1500 meter) i bagasjen etter fantastiske løp i Inzell gjennom VM enkeltdistansar.

• Sjå òg: Varm velkomst for OL-heltane (26. februar 2018)

Fleire frå Os har plan om å ønska Sverre velkomen heim, nokre av dei reiser samla i minibuss.

– Eg har fire ledig sete, det er berre å ta kontakt, seier Tore Kleppe.

Han var blant fleire osingar som var i Inzell under 5000-meteren torsdag og lagtempo fredag.

Sverre flyr med Widerøe (flight WF219) frå München direkte til Flesland og landar klokka 23.05 i kveld.

– Håvard Holmefjord Lorentzen, som tok sølv, skal visst landa i 18-tida, så han får vi ikkje med oss, men Sindre Henriksen landar litt før Sverre, så han treff vi kanskje på Flesland.

– Om det er nokon som vil køyra til Flesland i samla flokk, møt oss gjerne på Plantasjen klokka 22.15, så fyller vi opp minibuss og bilar.

– Hugs å ta med flagg og det du elles har av norske supportereffektar!