Lokal | 09. mars 2014
Tatt i 104 km/t i 60-sona
Ein mann frå Os får 10 månadar som fotgjengar og ei saftig bot etter at han blei målt i høg fart på Kalandseid.
Kjetil Vasby Bruarøysundag 09. mars 2014 21:02
Ein mann i 30-åra frå Os er i Nordhordland tingrett dømt til 15 dagar fengsel på vilkår og 10.000 kroner i bot etter ein "litt" for rask tur heim frå Bergen.
Det var natt til fredag 17. januar i år, i 00.50-tida, at han blei stoppa av politiet på E39 på Kalandseid.
Osingen blei målt til 104 km/t i 60-sona, nesten 20 km/t over grensa for førarkortbeslag.
Sikta møtte i retten og tilsto.
I tillegg til bot må han tåla å venta 10 månadar med å ta ny førarprøve.
Sikta er straffa for liknande forhold to gongar tidlegare, men det er over 10 år sidan, og fekk ikkje innverknad på straffeutmålinga.