To tatt i snittmåling - éin køyrde i autovernet

Laurdag rundt klokka 13.50 køyrde ein bil i autovernet på E39 på Moberg.

– Bilførar var åleine i bilen. Ho framsto som uskadd, men blei tatt til legevakt for sjekk, fortel vakthavande ved Bjørnafjorden lensmannskontor.

Bilen hadde større materielle skadar, og det blei behov for manuell dirigering fram til bergingsbil henta den.

Kvinna som køyrde bilen er i 60-åra. Det er ikkje mistanke om rus, og det er heller ikkje tatt førarkortbeslag.

– Men vi har oppretta sak for å finna ut kva som er årsaka til ulykka.

Delte ut prikkar og forelegg

Natt til fredag gjennomførte politiet ei snittmåling på E39, i 80-sona frå Ulvenvegen til Liafjellstunnelen.

Bilen blei målt til 97 km/t, bilførar fekk eit forelegg på 4.700 kroner og tre prikkar på førarkortet.

Klokka 05.40 søndag morgon blei ein mann i 20-åra målt til 74 km/t i snittmåling i ei 60-sone på Byvegen.

Han fekk 3.800 kroner i forelgg og to prikkar på førarkortet.