Tatt med 200 gram hasj
Først blei han tatt med 18 gram kokain heime i Os, så med metamfetamin og større mengder hasj i Bergen. No er han dømt, men berre ein liten del av straffa må sonast.


Onsdag 4. mai 2011 blei ein mann frå Os tatt med 18,5 gram kokain, 0,48 gram hasj og 0,42 gram cannabis som han oppbevarte på ei adresse i Os.
I romjula same år kjøpte han 15,11 gram metamfetamin og 201,11 gram hasj, som han oppbevarte då han blei pågripen i ein bil natt til nyttårsaftan.
Han blei då stoppa saman med ein annan mann frå Os, som fekk dommen sin i slutten av februar i år.
Tiltalte møtte og erkjente straffskyld. Aktor la ned påstand om 5 månadar fengsel, av desse 90 dagar på vilkår.
Kokainen åleine er nok til 90 dagar fengsel, amfetaminen var svak, så den kavlifiserer til 60 dagar. Også hasjmengda er i seg sjølv nok til å bli dømt til 90 dagar fengsel.
At saka har blitt gamal tilseier reduksjon i straff.
Tiltalte blei dømt til fengsel i 5 månadar, der 120 dagar, altså rundt 80 prosent av straffa, er gjort på vilkår.
5 dagar varetekt kjem til frådrag.