Tatt med 30 brukardosar
Blei tatt i fjor sommar med narkotika og for køyring i rusa tilstand. Dømt til samfunnsstraff, bot og tap av førarkort.
Ei tidlegare ustraffa kvinne i sluten av 20 åra busatt i Os blei i juni i fjor stoppa av politiet i Bergen.
Då politiet undersøkte bilen fann dei 8,67 gram med ei amfetaminhaldig stoffblanding i dørlomma på førarsida i bilen kvinna køyrde. I tillegg hadde kvinna køyrd bilen frå Landås til Nøstet via sentrum. Blodprøve teken av kvinna omlag ein halv time etter at ho blei stoppa viste funn av amfetamin, metamfetamin og tetrahydrocannabinol tilsvarande ein alkoholpromille på 1 til 1,5.
I Nordhordland tingrett førre veke kom kvinna med ei uforbehalden tilståing noko som blei støtta av beslagsrapporten og analyseresultata.
Kvinna blei difor dømd i tråd med påtalemynde sitt forslag til 60 timar samfunnstraff, med ei gjennomføringstid på 90 dagar fratrukket ein time for varetektsfengsling. I tillegg fekk ho ei bot på 25.000 kroner og mista førarkortet for 22 månader. Kvinna må avlegge full ny førarprøve før ho får førarkortet tilbake.
I straffeskjerpande retning har retten vektlagt den betydeleg mengda amfetamin politiet fann i bilen. I følgje politiet tilsvarar det over 30 brukardosar, noko retten meiner medførar ei stor spredningsfare. I tillegg legg retten vekt på at kvinna hadde passasjerar i bilen og køyrde over ei relativ lang strekke i rusa tilstand.
Formildane har dei vurdert det at det tok så lang tid før saka kom opp for retten og at kvinna tilstod.