Tatt med tjuvgods og narko
To menn er tatt med narkotika, ein annan er tatt med tjuvgods. Og kvifor står det ein bulka bil utanfor lensmannskontoret?
Fredag blei to menn i slutten av 30-åra, kvar for seg, tatt med narkotika.
– Éin blei tatt då vi hadde ransaking i ein bustad, éin hadde narkotika i lommene då vi møtte han utandørs medan vi sjekka eit anna forhold, fortel politiførstebetjent Tom Johannesen.
Stolen i Bergen i januar
I 17-tida var politiet på Amfisenteret og sjekka ut ein annan person. I bilen hans fann dei tjuvgods, men ikkje frå senteret.
Vedkomande hadde ei lommebok som var stolen i Bergen i januar.
Bulka ved Irisgården
Utanfor lensmannskontoret står det i dag ein bulka bil.
– Sånn den står no kan det sjå ut som om vi har taua den inn, men det har vi ikkje.
– Det skjedde berre rett og slett eit uhell på plassen her i går. Dette var mellom to privatpersonar som har ordna opp seg imellom, forsikrar Johannessen.