To tatt for trugslar
Éin person mottok trugande tekstmelding, ein annan fekk ein sint mann på døra.


I 17.30-tida fredag rykte politiet ut til ei bustadadresse på Søre Neset.
– Ei tvistesak mellom to personar, som går ei tid tilbake, førte i går til at ein av partane oppsøkte den andre, fortel politibetjent Rune Fimreite.
Parten som kom på adressa er frå Polen, den andre er norsk. Polakken skal ha vore trugande og blei vist vekk.
– Han fekk pålegg om å halda seg vekke frå adressa i helga og vi oppmoda partane om å ta saka i konfliktrådet.
I 00.30-tida fekk politiet melding om ein som hadde sendt trugande sms.
– Vedkomande, ein mann i 30-åra, har frå før besøksforbod mot den som han sendte meldinga til.
– Han blei pågripen og kjørt til arresesten i Bergen.
I 03.20-tida i natt var politiet på fotpatrulje på Søfteland.
Førre helg var det festbråk og omfattande hærverk på ein barnehage bak skulen.