Teiner skaper tull

Tysdag fekk politiet melding om problem med bruk som ligg i sjøen i eller nær ferjeleia utanfor Halhjem.

– Det er ikkje første gong, seier politibetjent Kjartan Snorrason.

Denne gong var det mannskapet på Selbjørnsfjord, som går mellom Våge og Halhjem, som varsla politiet.

– Ferja må kjøra svært varsamt for ikkje å vera borti blåser og tau. Om ikkje desse blir flytta lengre vekk frå leia snarast kan oppsynet bli varsla og bruket fjerna, åtvarar politiet.