Tett på publikum

Bildeserie:

1 av 5

«Hade!» sa ungane til skodespelarar på veg ut av scenen, «det er ikkje lov å ta mus!» fekk katten beskjed om. Og då Johannes ba om hjelp frå salen, til kva han skulle hugsa å ta med seg tilbake til musene, viste barnehageungane kor god hugs dei har.

- Det har gått veldig fint til no, og kommunikasjonen med salen har fått dei yngste med på notane gjennom heile det litt over ein time lange stykket, seier Linda Andersen frå Os Revy- og Teaterlag.

Les òg:
Klar for generalprøve

Flinke skodespelarar
Andersen har nesten utelukkande nye skodespelarar med seg til årets framsyning. I tillegg har svineinfluensa tidlegare i haust råka gruppa hardt.

På framsyninga tysdag var det vanskeleg å sjå at enkelte var rykande ferske på scenen. Tydeleg tale, god gestikulering og fine vokalprestasjonar prega den fine og spennande forteljinga om Johannes som blir krympa liten av nissen Pim, slik at han kan hjelpe musene å lage jul. Utan å bli tatt av fella eller katten.

Desse er med i stykket: Sanne Moesgård, Isabell Furhovde, Mia Rød, Martha Moberg Rosland, Julia Wold, Mariell Søfteland, Dina Boge, Solveig Balland, Kristin Hjartåker, Julie M. Andersen, Oda H. Skorpen, Pernille H. Kollen, Marthe S. Hansen og Andrea Søfteland.

Åtte framsyningar
Det var fullt i Fjellheim under årets premiere på «Desembergata 24» sundag. Også på framsyning nummer to same dag var det mykje folk.

Tysdag var det to framsyningar for barnehagar, det same er det i dag. Dei siste to framsyningane går førstkomande sundag.

- Vi har allereie selt 60-70 billettar til første framsyning sundag. Eg sel også billettar per telefon, men reknar med at eg har litt igjen til vi skal ha stand på AMFI Os førstkomande laurdag, seier Linda.