Thomas senka Fana
Fana har ambisjonar om opprykk for andrelaget sitt, men den styrka stallen fekk bank av Lysekloster.
Lysekloster, som no ligg på opprykksplass til 5. divisjon med 12 poengs margin, fekk ein god start på haustsesongen sundag kveld.
- Vi var litt rusten i starten, men løfta oss i andre omgang, seier trenar Ørjan Sandal.
- Sidan vi har trent to gongar i veka i heile sommar, men løpande hatt folk på ferie, hadde vi enkelte som kom direkte frå tur til kamp. Det er først denne veka vi trener for fullt igjen.
Fana 2 - Lysekloster: 1-4 (1-1)
Fana er bestemt på å rykka opp med andrelaget sitt, og stilte med fleire A-lagsspelarar og nokre med erfaring frå Tippeligaen. Men det heldt ikkje.
Thomas Greipsland skåra kampens første mål og dei to første i andre omgang. Morten Sæthre sette inn 1-4 for Lysekloster.
SJÅ TABELL
- Har bra kontroll
Lysekloster, som rykte opp frå 7. divisjon etter førre sesong, ligg godt an til å nå målsetnaden om nok eit opprykk. Dei to beste ved sesongslutt rykker direkte opp til 5. divisjon.
Lysefjordingane leiar no tabellen med 8 poeng bak til Kalandseid på 2. plass, 9 poeng framfor Eidsvåg 2 på 3. plass og 12 poeng til Fana 2 på 4. plass. Eidsvåg 2 kan grunna magre prestasjonar av førstelaget i 5. divisjon ikkje rykka opp i år.
- No byrjar vi å få den kontrollen vi skal ha, seier Sandal.
Ventar med å styrka stallen
På forsommaren fekk Lysekloster ein del merksemd rundt potensielt framtidig samarbeid med Brann-spelar David Nielsen.
- Korleis er dialogen med eventuelle nye spelarar?
- No har vi gjort det så bra at vi kjem til å venta med å ta inn nye til etter at sesongen er over. Speletid til dei spelarane vi allereie har blir prioritert.
- Du er ikkje redd for at nokre tunge tog skal gå frå deg?
- Vi har nokre spelarar som vi håpar på å få, men vi har også nokre som vi allereie veit at vi får til neste sesong, svarar Sandal.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.