Til BIFF med «Kule Kurt - Cowboyen frå Osterøy»
Bildeserie:
Det har gått nokre år sidan vi vart kjend med Pål Winsents og filmen "Jenta frå Oz". Dokumentarfilmen frå 2006 om den psykisk utviklingshemma niesa Christina skapte mykje debatt, og vart mellom anna vist på NRK.
No er Lysefjordingen klar med ein Hollywood-inspirert mocumentar om Kurt Olav Helle frå Osterøy.
Skulekamerat
– Eg gjekk på skule saman med Kurt Olav på Lillehammer i 1992. Allerie då var han eit Hollywood-leksika av ein person seier Winsents. Sidan «Jenta frå Oz» har eg laga fleire dokumentarar om menneske med ulike sjukdomar og syndrom, men som alle brenn for noko.
– Då Kurt Olav fekk diagnosen parkinsson vart det etterkvart klart at eg måtte laga ein film om den eksentriske filmskaparen, musikaren og parkinssonsjuke Kurt Olav Helle.
– Kva kan du fortelja om filmen, og korleis har publikum reagert så langt?
– Eg hadde aldri kunna laga denne filmen om ikke Kurt Olav var filmskapar sjølv. Filmen er ein berg og dalbane av kjensler, og vi balanserer på ein knivsegg av humor og alvor.
– Eg har allereie klippa den om nokre gonger siden april, litt etter korleis publikum har reagert inrømmer Winsents.
Plukka ut til Bergen internasjonale filmfestival - og Oseana!
No er altså filmen klar for Bergen og Biff, men allereie tysdag set BIFF opp ei skuleframsyning for ungdomsskuleelevar i Oseana.
Regissøren sjølv er spent på korleis ungdomen les Kule Kurt.
«Kule Kurt - Cowboyen frå Osterøy» kan du få med deg under Bergen internasjonale filmfestival fredag 28. september og laurdag 29. september.