Lokal | 23. nov. 2009

Til Brasil med CISV

I desember reiser fire ungar frå Os på barneleir i den brasilianske byen Sau Paolo. I dag blir det halde informasjonsmøte for andre 11-åringar som vil på tur.

Til Brasil med CISV
Kjetil Vasby Bruarøy
Kjetil Vasby Bruarøymandag 23. nov. 2009 06:38

CISV (Children´s International Summer Villages) er ein fredsutdannande organisasjon, religiøst og politisk uavhengig, som jobbar med ungar frå 11 år og opp i alder. Ved å samla ungar frå ulike land til tverrkulturelle møter i leir håpar organisasjonen på å bidra til auka forståing, kunnskap og toleranse mellom kulturar og nasjonar.

I tillegg til barneleirar for 11-åringar, tilbyr CISV blant anna Summercamp for dei mellom 13 og 15 år og seminarleir for ungdomar mellom 17 og 18 år.

I sommar skreiv vi om fire osingar på veg til Tyskland, og om leiren som blei halde på Os. 27. desember reiser fire andre til Brasil.

Godt førebudd
Det er fleire søkjarar til kvar leir. Dei som var heldige og fekk tur til Brasil i år er André Håvardstun, Marielle Engelsen, Viktoria Monsen og Mats Brunvatne. Dei har med seg Stig Håvardstun som leiar.

- Saman har dei førebudd seg på reisa i snart eit år. Ungane, som ikkje kjente kvarandre frå før, har no blitt ein samansveisa gjeng. Dei har møtt kvarandre heime hos kvarandre saman med foreldra. Til og med vi vaksne har blitt godt kjent. Det kan koma godt med i januar, når vi sit heime utan ungane våre, seier mot til Mats, Anette Brunvatne,

Dei siste månadane har Stig hatt gjengen med seg heim til seg sjølv for å laga forskjellige ting dei skal ha med seg. Dei lagar blant ei scrap-book som skal presentera kven den norske delegasjonen er og kva som er spesielt med Noreg. Dei skal også presentera Noreg for dei andre ungane på leiren.

- Dei har også laga armband og smykker som dei skal byte bort. Å byta til seg ting er populært på leirane.

På souvenir-sanking
Sist helg tok Stig dei fire med på bytur. Der kjøpte dei med seg souvenirar som dei kan byta vekk.

- Gåver til vertsfamiliane er også på plass. Det er nemleg slik at dei får bu hos ein brasiliansk familie den første helga av oppholdet, og ei helg seinare medan dei er der, hos ein annan familie. No har vi berre nokre praktiske ting igjen før avreise i romjula, seier Anette.

Informasjonsmøte måndag
For å bli med på CISV-leir må du søkja. Søknadsfristen for 2010 er 1. desember i år, og på nettsida cisv.no ligg det både informasjon og søknadsskjema.

- For å søkja på barneleir neste år må du vera fødd mellom 1. juli 1998 og 30. juni 1999. Det skal vera informasjonsmøte om CISV på Kuventræ skule i kveld klokka 19, fortel Anette Brunvatne.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.