Til helga kjem varmen!

• Midtsiden har starta utsending av gratis nyheitsbrev på epost - meld deg på her

Årets påske har i Os bestått av ein tørr, men grå skjærtorsdag, ein solrik, men kald langfredag og ei våt og vindfull helg.

Andre påskedag er det snø på bilane i Os, men opphaldsvêr. Temperaturen er framleis låg, det skal bli 4 gradar på det varmaste i dag.

Det er meldt meir nedbør tysdag og onsdag, onsdag med vindstyrke på 7-8 m/s.

Men så kjem våren!

Høgtrykk på veg

Frå torsdag morgon skal det letta, og fredag skal vinden dreia på vest. Eit høgtrykk er på veg til Vestlandet, og temperaturen skal stiga gjennom helga.

Det er meldt nattefrost fredag morgon, men 8 gradar på ettermiddagen.

Frå fredag, gjennom helga og ut i neste veke er det meldt skyfri himmel. Vinden skal halda seg på 1-2 m/s.

Temperaturen skal auka til 10 gradar laurdag. Så kan det bli endå varmare.

– Søndag kan det bli 14 gradar, i neste veke kan det bli endå varmare.

– Det er eit stykke fram, men om høgtrykket verkeleg slår til kan vi få oppimot 18-19 gradar i neste veke, seier statsmeteorolog Martin Granerød i Meteorologisk institutt til Bergensavisen.

• Sjå detaljert vêrmelding for Osøyro på VG Pent