Til Hollywood i påsken

Dei neste dagane viser André Øvredal «Trolljegeren» i Los Angeles og New York.

Kjetil Vasby Bruarøysøndag 17. apr. 2011 06:28

Regissøren André Øvredal fekk ein knalldebut med «Trolljegeren», som blei sett av over 250.000 på kino og som førte til fleire invitasjonar frå Hollywood.

I påsken skal Øvredal visa debutfilmen sin i Los Angeles, så ventar Robert De Niro sin Tribeca-festival i New York.

– Vi koplar oss på fire store amerikanske festivalar i éin jafs. Filmen skal også på kino i alle dei store byane, fortel Øvredal til BA.no.

Dei siste vekene har han jobba på eit nytt manus saman med ein amerikansk kamerat. Det blir ein eventyrfilm som han vil selja inn til dei store i Hollywood etter sommaren.

I tillegg får han fleire tilbod, men Øvredal kastar seg ikkje over kva som helst.

– Mitt neste steg er det viktigaste i karrieren. Eg får tilsend mange manus frå Hollywood, men eg vil gjerne laga noko som eg står hundre prosent inne for sjølv, seier han til BA.