09. jan. 2009
Til kvartfinalen
Sikke Marie Holmefjord Therkelsen er saman med 47 andre vidare til kvartfinalen i Frøken Norge 2009.


Kjetil Vasby Bruarøyfredag 09. jan. 2009 10:09
- Eg fekk teksmelding i går kveld. Dette var overraskande og utruleg gøy! Uff, no grin eg òg, seier Sikke Marie til Midtsiden.no.
Ho er den einaste kvartfinalisten av dei fire osingane som i november var blant dei 200 første til å bli tatt med vidare.
- Eg vil takka Anders Fløysand og Varde Film & Media for god og effektiv hjelp med filming, i Osbadet, på Nautilus, i drosjen og heime.
Filmen var ein viktig del av det juryen brukte for å finna kvartfinalistane.
Kva som skjer vidare er Sikke Marie noko usikker på, men fram til 19. januar kan folk stemma sine favorittar vidare på froken.no.