Til premier league i Paris

I haust hadde Slettevold comeback etter skadeopphald i sommar, der han gjorde reint bord i Gøteborg Open.

Turen til Ishøj Open i Danmark seinare i januar blei avlyst, men i morgon reiser landslagsutøvaren frå Os til den franske hovudstaden for å delta i Karate1 Premier League.

– Det kjem gode utøvarar frå store delar av verda for å delta. Konkurransen blir nok hardare enn i EM, konkurransen blir sett på som det største etter VM, seier Åsmund.

Dette er ein seniormeisterskap og Åsmund, som fyller 19 år i år, skal delta i -84 kilo.

– Premier League er ein serie med fleire stemne. Berre éin norsk utøvar har tatt medalje der tidlegare, verdsmeisteren frå 2012 Gitte Brunstad tok bronse samanlagt.

Tett vårprogram

Etter turen til Paris ventar treningssamling i Oslo, både i slutten av januar og ei langhelg to veker seinare.

– Den siste er finpuss før U21 EM. Då blir det trening frå fredag til onsdag før avreise til EM i Portugal.

Russ og VM

Slettevold er elev i 3. trinn på Os Gymnas og har deltidsjobb på ferjekaien på Halhjem.

– Det blir lite jobbing framover, nesten kvar helg går med til trening eller konkurransar.

– Kor mykje russefeiring det blir gjenstår å sjå. Om eg klarer å kvalifisera meg til senior-VM, som er i Finland, blir arrangert den same mai-helga som russetreffet i Kongeparken, fortel Åsmund, spent før avreise til Paris.