Sport | 26. okt. 2017

Til topps i 1. divisjon

Os J13 vann 6-0 og er klare for KM-finale.

Til topps i 1. divisjon
Os J13 etter 6-0-sigeren i siste serierunde, her med trenar Robert Nøss. (Privat foto)
Kjetil Vasby Bruarøy
Kjetil Vasby Bruarøytorsdag 26. okt. 2017 19:46

Torsdag kveld vann Nore Neset J14 si 1. divisjonsavdeling, tysdag kveld gjorde Os J13 det same, ved å slå nettopp Nore Neset 6-0.

– Vi har ein liten stall, og nokre nye spelarar, men jentene har klart seg veldig bra, seier Kjetil Lyssand Lindbom.

Kjetil trener 2004-jentene saman med Robert Nøss (bildet).

Os står a-poeng med Kjøkkelvik, men har langt betre målforskjell etter 6 kampar i haust. Os har putta 32 og berre sleppt inn 7, tabelltoaren står med 26-20.

Sjå tabell

– To jenter gav seg i sommar og ei ny kom til. I tillegg har vi lånt keeper frå årgangen under oss, og ho har gjort ein veldig god jobb.

Møter Bønes i KM-finale

Os J13 vann Åsane Cup i vinter og tok bronse i Sogndal i sommar. Vårsesongen enda med 2. plass, rett bak Bønes, som dei no møter i KM-finale.

– Vi tapte 3-1 for Bønes i vår, men då hadde vi eit par gode spelarar vekke. Eg reknar med at det kan bli jamnare i KM-finalen, seier Kjetil.

Han var også i KM-finale for seks år sidan, med '98-årgangen.

Finalen i kretsmeisterskapen for J13 går 19. november.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.