– Tjuven har truleg spasert rett inn
Medan det var byggearbeid på Os Gymnas i haustferien har nokon vore inne og stole minst fire pc-ar.
Måndag fekk politiet melding om tjuveri ed Os Gymnas.
– Fleire pc-ar er sakna, men det skal ikkje vera snakk om innbrot, seier politioverbetjent Terje Sperrevik.
Rektor ved Os Gymnas, Trond Eikeland, fortel at dørene på skulen har stått opne store delar av haustferien.
Høg byggeaktivitet
– Vi held på med universell utforming av skulen og byggearbeidarane brukte haustferien til ekstra høg aktivitet.
– Minst fem handverkarfag var i sving, og no ser det ut som om nokon har misbrukt det at dørene sto opne, og at det var fleire firma med folk som ikkje kjenner kvarandre, i aktivitet her.
– Syndaren har kanskje spasert rett inn og forsynt seg.
4 pc-ar og 1 kalkulator
I går oppdaga skulen at minst fire pc-ar er sakna. Også ein kalkulator i prisklasse rundt 1000 kroner er vekke.
– Vi har grunn til å tru at dette skjedde fredag, fortel Eikeland.