Tjuveri frå fleire butikkar
Tysdag ettermiddag tok politiet ein kjenning mistenkt for tjuveri frå fleire butikkar i sentrum.

Tysdag, i 1730-tida, fekk politiet inn melding om ein kar butikkeigarar i Os sentrum mistenkte for å ha stole varar frå dei. Politiet rykte ut og greip mannen.
- Han hadde forskjellige varar på seg som han ikkje kunne framvisa kvittering på, fortel politiførstebetjent Audun Hadler-Olsen.
- Vi mistenker at han har forsynt seg i fleire butikkar og vil no freiste å spore tjuvegodset tilbake til dei butikkane dei hører heime.
Mannen i 30-åra er ein kjenning av politiet og blei teken med til arresten.
Braut besøksforbod, truga politiet
I 21-tida rykka patrulja ut på melding om at ein kar var i ferd med å ta seg inn i ein stad han ikkje hadde lov til.
- Mannen er ilagt besøksforbod, men oppsøkte likevel plassen, seier Hadler-Olsen.
- Han hadde knust ei rute for å koma seg inn i huset.
- Då patrulja kom til staden for å gripa mannen kom han med trugslar mot politifolka, fortel politiførstebetjenten.
Også denne karen blei tatt med i arresten og blir anmeldt for brot på besøksforbodet og trugslane mot politifolka.
UP tok mann med amfetamin
Utrykningspolitiet (UP) hadde kontrollar fleire stadar i Os tysdag. I Hatvikvegen tok dei åtte. Seinare på kvelden flytta patrulja seg til Søfteland.
- Rundt midnatt stoppa dei ein bil med ein osing i 20-åra bak rattet.
Det viste seg at vedkommande hadde amfetamin med seg og han blei teken hand om og satt i arresten.