Tjuveri, hærverk og festbråk

I helga har det vore tjuveri av 500 liter diesel.

– Dieselen er tappa frå til vogntog parkert i Industrivegen. Om nokon har observasjonar som kan ha med tjuveriet å gjera så er vi interesserte i tips, seier politioverbetjent Terje Sperrevik.

Måndag morgon fekk politiet melding om hærverk på Lyssand Bil/UnoX.

– Nokon har kasta fleire søppelspann utover. Det er førebels uklart om noko er skadd.

Politiet fekk også melding om hærverk på busskur i Storestraumen. Det viste seg å vera ein veldig hissig mann på staden, men han hadde ikkje øydelagt noko.

Bråk og vanskeleg gjest

Natt til søndag var politiet i Telthuskvartalet for å hjelpa vaktane på Bar2Be med ein kranglete gjest.

– Mannen nekta å retta seg etter pålegg om å fjerna seg frå staden, og blir meldt for forholdet.

Laurdag kveld fekk politiet melding om bråk frå fest, ein fest med mindreårige gjestar, i Øyane.

– Dei fleste var rundt 18 år. Vi rykte ut og det roa seg.

Utan hjelm i Strøno

Midt på dagen laurdag hadde politiet trafikkontroll i Sperreviksvegen. Der var det ingen reaksjonar.

– Men tidlegare på dagen, i Strøno, møtte patruljen ein mopedist utan hjelm. Vedkomande fekk gebyr, fortel Sperrevik.

Natt til laurdag fekk politiet tips om ein trailer som sto med opne dører utanfor Os Byggsenter.

– Det viste seg at sjåføren låg og søv og lufta det tomme lasterommet, så der var alt i orden.