Tjuveri, høg fart og falsk ID
Éin ungdom fekk 6500 i forelegg, ein annan blei tatt med falsk leg. I tillegg fortel politiet om ulykke etter bråbremsing med buss og fleire tjuveri i løpet av helga.
I helga har det vore både branntillaup, ein valdsepidode i Hagavik og ei utforkjøring med avstikk i Strøno.
– Når det gjeld utforkjøringa så er den framleis under etterforsking. Meir vil vi førebels ikkje seia om saka, anna enn at det er alvorleg å stikka av frå ei ulykke, seier politioverbetjent Terje Sperrevik.
Politiet har også hatt fleire andre saker å henga fingrane i denne helga:
• Fredag fekk politiet melding om lettare skadd busspassasjer. Bussen hadde bråbremsa grunna møtande trafikk og passasjeren hadde dunka seg. Uhellet skjedde i Lysefjorden.
• Ein person fekk fredag kveld tak i fleire tusen kroner i kassen på Joker på Søfteland og stakk frå staden. Vedkomande er mørk i huden og snakkar gebrokkent engelsk.
• Ein gut er tatt for bruk av falsk ID på Irish Cat.
• Irish Cat meldte også ifrå om rebelsk gjest natt til laurdag. Gjesten blei lagt i bakken og hevdar sjølv at han blei slått i bakken av vaktane.
• Politiet hadde laurdag promillekontroll i Hatvikvegen og fartskontroll på Søfteland. På Hatvik var alle 25 edru, på Søfteland var det ein som bli målt til 81 km/t i 60-sona. Han fekk forelegg på 6500 kroner og tre prikkar på førarkortet.
• Ein rusa person blei observert gåande med ein mikrobølgjeomn i nevane. Omnen var sakna frå ei bedrift i Os.
• Politiet rykte ut på melding om fest med fleire mindreårige. Patruljen "rydda" litt på festen.