Lokal | 27. feb. 2020

Tok 16 fartssyndarar på 1,5 time

– Folk bør halda fartsgrensa, spesielt når du nærmar deg ein barnehage.

Tok 16 fartssyndarar på 1,5 time
UP sto med laseren ved barnehagen på Hjelle i går. (Arkivfoto: KVB)
Kjetil Vasby Bruarøy
Kjetil Vasby Bruarøytorsdag 27. feb. 2020 08:52

I går fortalte politiet at dei vil vurdera å foreslå redusert fartsgrense på delar av Hegglandsdalsvegen grunna nokre trafikkfarlege situasjonar i samband med tungtransport til og frå skuletomta på Hjelle.

Same dag heldt utrykkingspolitiet fartskontroll ved barnehagen på nabotomta.

Frå klokka 12.15 til 13.50 tok dei heile 16 fartssyndarar.

– Høgaste fart blei målt til 68 km/t etter at tryggleiksmargin er trekt frå, fortel politioverbetjent Anne Lyssand.

Det kvalifiserer til 5.500 kroner i forelegg og tre prikkar på førarkortet.

– Eg synest dette er stygge tal, at så mange køyrer for fort så nær ein barnehage, og no, mens det er så stor trafikk på staden. Det viser at vi må halda dette vegstykket under oppsyn framover.

To amnesti på Halhjem

Politiet i Os stoppa i går ein bilist på Halhjem. Patruljen reagerte på farten i 40-sona, men hadde inga måling.

Dermed blei det ei åtvaring. Bilen mangla skiltlys, men bileigar kunne visa til bestilt verkstadtime i dag, for å få dette skifta, og slapp reaksjonar også på dette punktet.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.