Tok bronse etter ekstraomgang

Os Taekwon-do klubb stilte med to utøvarar på treningssamling og vestlandsmeisterskap i Laksevåghallen i helga. I tillegg stilte klubben med Jan Rune Sund som dommar.

– Sjølv om vi berre var to utøvarar tok vi med oss medaljar heim til Os.

– Joachim Sjøbø deltok i mønster i klassa for raudt belte 16 - 17 år.

– Der plukka han med seg bronsen, fortel Jan Rune Sund.

Gjekk ekstraomgang mot vinnaren

I klassa for sparring menn + 29 år blei det ein spennande kamp for Roger Slettstrand.

– Han gjekk ein god kamp mot han som til slutt vann klassen.

– Det var så jamt at dei måtte ut i ekstraomgang for å avgjera kampen.

– Den enda med bronse til Roger, avsluttar Sund.