Tok kvar sin medalje i nordisk

Laurdag blei nordisk meisterskap i karate (allstyle) arrangert på Island. Noreg reiste med heile 32 utøvarar i senior, junior og kadett.

Troppen består av berre seks vestlendingar, halvparten av desse er frå Os mens dei tre andre er frå Haugesund og Stavanger.

Mens Amanda Njøten og Henrik Reed Larsen var 2 av 17 norske seniorar, var Armin Palislamovic frå Os Karateklubb 1 av 6 kadettar frå den norske troppen.

– Henrik har vore med i nordisk før, mens eg og Armin var debutantar, fortel Amanda Njøten, som i mars blei Os sin første kvinnelege utøvar med svart belte.

Bronse og sølv

Yngstemann Armin var suveren i første kamp. Han tapte for ein av finalistane, men vann også bronsefinalen.

– Mine kampar var jamnare, fortel Amanda, som også fekk bronse i sitt første nordiske meisterskap.

Henrik rauk ut i første kamp, men var del av laget som stilte i lagkamp.

Der blei det, som i 2011, sølv på Noreg og Henrik.