Tok lappen frå både bilførar og passasjer

Fredag kveld litt før klokka 21 blei ein bilførar kontrollert i Hagavik.

– Han bles til over lovleg promillegrense og blei tatt med til legevakt for blodprøve, opplyser politioverbetjent Atle Birkeland.

Vedkomande, ein mann i midten av 20-åra, har ikkje gyldig førarkort. Han blir meldt for både promillekøyring og køyring utan gyldig førarkort.

Bileigar, ei kvinne i 40-åra, var passasjer. Ho er meldt for å overlata bilen sin til ein påverka person utan førarkort. Det blei tatt beslag også i bileigar sitt førarkort.

Politiet vil ikkje seia om dei to er i slekt, men stadfestar at dei er frå same husstand, og at det dermed er lite tvil om at kvinna visste at bilførar ikkje hadde førarkort.

• Midtsiden startar utsending av gratis nyheitsbrev på epost - meld deg på her